Дэкларацыя правоў мам і татаў

А што, калі тата гатуе лепей за маму? Дык і добра! Хто дапаможа табе адрамантаваць ровар? Тата? А мо хай лепш запляце табе коскі, бо ў яго гэта надта добра атрымліваецца, а роварам зоймецца мама? Чаму б і не. 

А ці можна маме заблытацца, а тату стаміцца? Мама заснула, не папрасаваўшы табе кашульку? Тата забыў, што ты любіш чупа-чупсы, і не любіш, калі ён не ў гуморы? Што паробіш, мамы і таты – таксама людзі! І маюць свае правы ;) Права не быць ідэальнымі, памыляцца і стамляцца. Быць самімі сабой.