Вядзьмар, які рабіўся ваўком: беларускія чарадзейныя казкі і паданні

Зборнік змяшчае 30 чарадзейных казак і паданняў з розных куткоў Беларусі, запісаных у канцы XIX – пачатку ХХ стагоддзяў, а цяпер наноў адабраных і апрацаваных. Некаторыя сюжэты добра знаёмыя чытачу, іншыя ж, наадварот, рэдка траплялі ў папулярныя выданні. Старонкі аздобленыя непаўторнымі ілюстрацыямі мастака Валерыя Славука (іх у кнізе больш за 60), а цвёрдая вокладка ўпрыгожаная залатой фольгай і мае карэньчык, абгорнуты тканінай.
Выданне спадабаецца аматарам фальклору, цмокаў, ваўкалакаў і іншых цікавых персанажаў. Літаратурная апрацоўка зробленая з максімальнай ашчаднасцю да арыгінальных тэкстаў, але так, каб яны былі зразумелыя і цікавыя розным чытачам і слухачам.